Iwwert Eis

Mir sinn e rengen Familljebetrib. Bei eis schafft déi ganz Famill Hand an Hand zesummen.

De Jeff

ass 35 Joer al, Agraringenieur an huet den Haff 2012 vun sengen Elteren iwwerholl. Hien ass zoustänneg fir alles: Kéi, Opzuucht, Akerland.

D’Laura

2018 koum neit Liewen op den Haff. Hatt ass immens gären dobaussen an et mëscht him eng grouss Freed Déieren ze beobachten an am Stréi ze spillen.

D’Mariette

ass 66 Joer al an d’Mamm vum Jeff an d‘Fra vum Heng. Hannert all staarkem Mann steet eng staark Fra. D‘Mariette ass déi gutt Séil vun der Famill. Hatt ass einfach en Allroundtalent: Déieren versuergen, Gaart maachen, Büro, Pabeierkrich, … D’Mariette ass och an der Pensioun, mais hatt steet eis all Dag mat Rot an Dot zur Säit an ass ëmmer do bei Nout um Mann.

De Jos

ass 56 Joer al an ass dem Sandra säin Papp. Hien ass e Bauerejong an op engem Haff opgewuess. Hien ass geléierten Mecanicien an ass handwierklech begaabt. An senger Fräizäit kniwwelt hien gär un de Maschinnen an hëlleft mat fir d’Raimlechkeeten vun der Ferme pédagogique fäerdeg ze stellen.

D’Sandra:

ass 27 Joer al, diploméiert Erzéierin, mëscht de Moment d’Ausbildung zur zertifiéierter Agrarpädagogin. Hatt ass säit 2017 mam Jeff bestuet an Mamm vum gemeinsamen Meedchen Laura. Hatt hëlleft vun Ufank un nieft sengem Beruff um Haff. 2019 no der Gebuert vum éischten Kand huet hatt decidéiert sech ganz op d’Ferme pédagogqiue an op d’Aarbecht um Haff ze konzentréieren. Hatt ass zoustänneg fir d’Ferme pédagogqiue, d’Fleeg vun all den Déieren an wuselt och gären an de Planzen, mëscht de Büro an suergt fir d’Famill.

Den Heng

ass 71 Joer al, hien ass dem Jeff säin Papp an Bauer. Hien ass op dësem Haff grouss ginn. Hien huet den Haff vun sengen Elteren iwwerholl an hien huet vill Zäit, Energie an Éiergäiz an dësen Haff gestach. Hien ass an der Pensioun an awer gëtt et keen Dag, wou hien näischt triwwelt.

De Mil

ass 66 Joer, pensionéierten Gemengenaarbechter an huet nieweberufflech ëmmer um Haff geschafft. Hien ass dem Heng säin Brudder an hien ass och op dësem Haff opgewuess. De Mil ass en „Helfer mit Herz“ hien mëscht alles wat usteet: den Haff schéin propper an an der Rei halen, kiert, raumt, fleckt d’Perchen, mëscht Trakteraarbechten, rangéiert Botten

De Yannick

ass 21 Joer al an dem Sandra säin Brudder. Hien huet eng Passioun fir all Aarbecht déi motoriséiert ass. Hien fiert am léifsten an senger Fräizäit Dag an Nuecht mam Trakter um Feld.